الراي نيوز -  اسمه الأول على وزن تامر، وبتباهى انه مصاريه كالشلال الهامر، والله أعلم للرياضة والاستثمار شو ضامر، ودخيل قلبه شو بحب الدبكة والسامر، ومنع جميع صحابه من الحديث وقلهم أنا عليكم آمر، ماله مستشار ولا أفكار وان شاء الله ما يكون مشروعه خراب دامر، ولا نتمنى أن يكون غروره للإنجاز طامر.
اسمه الثاني على وزن زيد، والكل كان مفكر انه يعرف ينشن ويصيد، وللأمانة ما هو بليد، بس الي حواليه مش مخلينه سعيد، وأكثر رأيه مش سديد، وعلى حبايبه والي بنصحوه شديد، بحاول يعمل حاله عنيد، بس هيك لا يمكن إنك تبني مجد تليد.
اله بالخليج عنوان، ومن كم سنة ظهر بعيد عن عمان، وربنا الله نظيف وملوش بقصص النسوان، بس يا خوفي يغني "العذاب ألوان"، ومن البارشوت البعض بحكي هبط زي عدنان، وبالمصاري بحاول يقنع كل انسان، ومشاريعه وأفكاره بدون ميزان، والغرور ماكل منه شقفة كبيرة كمان.
ما بحاول يسمع الكلام، وإحنا لسنا إلا ناصحين يا بعد السلام، كل الي بدنا إياه تضل رجل همام، ولا تسمح لأي كلمة تخليك مش تمام، إنتقاد أوخبر ولا ثنين أو حتى "من هو" ما تدخلك بالخصام، القلم بالحق وبدون تلفيق ولا شخصنة ما بتخلي حالك "سخام"، زنجبيل مع ليمون ترا بتهدي الأعصاب وبروح الزكام.
تحياتنا من فوق الخيام ، ويا ريت ما تكون لئام ..